Şikayət və Mübahisələrin Həlli

1. Platformanın rolu

hədiyyəlik.az alqı-satqı müqaviləsinin tərəfi deyil. Buna görə biz pulu geri qaytara, məhsulu dəyişdirə və ya satıcını maddi öhdəliyə məcbur edə bilmirik. Bizim səlahiyyətimiz platforma daxilindədir: elanın silinməsi, hesabın bloklanması, mağaza statusunun dayandırılması.

2. Şikayət necə göndərilir?

1. Elan, mağaza, rəy və ya istifadəçi səhifəsindəki «Şikayət et» düyməsinə basın.
2. Səbəbi seçin və qısa izahat yazın.
3. Mümkünsə sübut əlavə edin: yazışmanın ekran görüntüsü, ödəniş qəbzi, foto.

Şikayət qeydə alınır və sizə sayt daxili bildiriş (bağlıdırsa Telegram) gəlir.

3. Baxılma müddəti

• İlkin baxış — adətən 1–3 iş günü;
• Mürəkkəb hallarda əlavə məlumat tələb oluna bilər;
• Nəticə barədə şikayətçiyə bildiriş göndərilir.

4. Tətbiq edilə bilən tədbirlər

• elanın gizlədilməsi və ya silinməsi;
• satıcıya xəbərdarlıq;
• mağaza statusunun dayandırılması;
• hesabın müvəqqəti və ya daimi bloklanması;
• ciddi hallarda hüquq-mühafizə orqanlarına məlumat verilməsi.

5. Maddi zərər halında nə etməli?

Fırıldaqçılıqla üzləşdiyinizi düşünürsünüzsə:

1. Bütün sübutları saxlayın — yazışma, ödəniş qəbzi, elanın ekran görüntüsü.
2. Bizə şikayət göndərin — hesabı bloklayaq və digərlərini qoruyaq.
3. Hüquq-mühafizə orqanlarına müraciət edin. Rəsmi sorğu daxil olarsa, qanunvericiliyə uyğun şəkildə əməkdaşlıq edirik.
4. Zərurət olduqda mülki qaydada məhkəməyə müraciət hüququnuz var.

6. Müəlliflik hüququ və brend pozuntuları

Şəkilinizin, mətninizin və ya brendinizin icazəsiz istifadə edildiyini düşünürsünüzsə, Əlaqə səhifəsindən aşağıdakıları göndərin:

• pozuntunun baş verdiyi səhifənin linki;
• hüququnuzu təsdiq edən sənəd və ya izahat;
• əlaqə məlumatlarınız;
• məlumatların doğruluğuna dair təsdiqiniz.

Əsaslı müraciətlər üzrə məzmun ləngimədən silinir.

7. Qərardan narazısınızsa

Moderasiya qərarına etiraz etmək üçün Əlaqə səhifəsindən yenidən müraciət edin və yeni arqument və ya sübut təqdim edin.